Last Updated: 10 March 2026

Aaj India mein rozgar ek bada discussion ka topic hai. Bahut log padh likh kar bhi job ke liye struggle kar rahe hain, aur companies bhi kabhi kabhi permanent hiring se bachti hain kyunki formal employment ka cost zyada ho jaata hai. Isi problem ko address karne ke liye government ne Union Budget 2024 ke baad ek nayi scheme introduce ki — Pradhan Mantri Viksit Bharat Rozgar Yojana (PMVBRY).

Is scheme ka goal simple hai: formal sector mein naye jobs create karna aur employers ko hiring ke liye incentive dena.

Iss article me hum samjhenge ki:

• PMVBRY scheme kya hai
• Kaun iss scheme ka benefit le sakta hai
• Employers ko kya fayda milega
• Realistically ye scheme kitni effective ho sakti hai

Government employment badhane ke liye PMVBRY jaisi schemes launch karti hai, jabki financial security ke liye Post Office schemes jaise Post Office Monthly Income Scheme (POMIS) bhi available hain.

PM Viksit Bharat Rozgar Yojana (PMVBRY) Kya Hai?

Pradhan Mantri Viksit Bharat Rozgar Yojana (PMVBRY) ek employment-linked incentive scheme hai jiska objective formal sector employment ko badhana hai. Is scheme ke antargat incentive milta hai agar aap actual mein job create karte ho ya job paate ho.

Is scheme mein government:

• Naye employees ko financial incentive deti hai
• Aur employers ke EPF contribution ka ek hissa subsidize karti hai

Yeh scheme khaas taur par un logon ko target karti hai jo pehli baar formal sector job join kar rahe hain.

Government ka main aim yeh hai ki 2024 se 2027 ke beech zyada se zyada naye workers formal employment system me aayein aur saath hi EPFO enrollment bhi increase ho.

PMVBRY Scheme Quick Overview

Feature	Details
Scheme Name	Pradhan Mantri Viksit Bharat Rozgar Yojana
Short Name	PMVBRY
Announced In	Union Budget 2024
Objective	Formal sector me job ko badhawa dena
Salary Limit	₹1 lakh per month
Benefit	EPF subsidy(PMVBRY) + incentive
Target Period	2024 – 2027
Target Jobs	Around 3.5 Crore(PIB Press Release) new formal jobs

Purpose Of This Scheme

India mein informal workforce ek bada issue hai. Bahut sare workers contract basis par kaam karte hain ya phir completely informal sector me hi reh jaate hain. Isiliye employers bhi kabhi kabhi permanent hiring avoid karte hain kyunki ek employee ki cost sirf salary nahi hoti.

Example:

Agar kisi employee ki salary ₹30,000 hai, toh employer ko:

• EPF contribution
• ESI
• compliance cost

milakar 25–30% extra cost uthani pad sakti hai. Isi wajah se kai companies ya hiring postpone karti hain ya contract workers hire karti hai.

Government Of India ka sochana hai ki agar hiring cost kam kar di jaye, toh companies zyada employees hire karengi. Isi approach ke saath PMVBRY scheme design ki gayi.

Pradhan Mantri Viksit Bharat Rozgar Yojana Components

PMVBRY scheme ko teen alag categories me divide kiya gaya hai:

• Scheme A
• Scheme B
• Scheme C

In teeno schemes ka focus alag-alag groups par rakha gaya hai, taaki employment generation ko different levels par support kiya ja sake.

Scheme A – First Time Job Karne Walo Ke Liye

Ye scheme un logon ke liye hai jo pehli baar formal sector mein kisi EPFO-registered organization mein join kar rahe hai. Agar aapki salary Rs. 1 lakh per month se kam hai aur aap pehli baar EPFO member ban rahe hai to aap is scheme ke under benefit le sakte hain.

Benefits Of Scheme A

Iss scheme ke anatargat Government directly aapke EPFO account mein ek mahine ki salary, maximum Rs. 15,000 ek baar me ya installments mei degi. Specifically, ye incentive teen installments mein diya jaata hai.

Iss scheme ka main purpose hai ki new workers ko formal employment system me entry ke liye motivate karna.

Important note: Ye benefit sirf ek baar milta hai. Aur EPFO registration mandatory hai. Iska matlab hai aapka employer bhi EPFO se registered hona chahiye. Agar koi business informal sector mein kaam karta hai toh waha ye scheme apply nahi hogi.

Scheme B – Manufacturing Sectors Ke Liye

Desh ki economy me manufacturing sectors ka bahut bada importance hai. Jobs create karne ka sabse bada source manufacturing sector hi hota hai, especially skilled aur semi-skilled workers ke liye. Isliye scheme me manufacturing sector ke liye alag component design kiya gaya hai.

Is scheme mein government:

• Employee ka EPF contribution cover karti hai
• Aur employer ka EPF contribution bhi support karti hai

Benefits Of Scheme B

Is scheme mein employers aur employees dono ko benefit milta hai. Naye employees jo pehli baar EPFO me register ho rahe hain unke EPF contribution ka ek hissa government bharti hai aur saath hi employer ka bhi EPF contribution government support karti hai. Ye support 2 saal tak milta hai. Isse manufacturing companies ke liye hiring cost significantly kam ho jaati hai.

Scheme C – Big Employers Ke Liye

Scheme C sabse comprehensive hai. Ye manufacturing aur non-manufacturing dono sectors par apply hoti hai. Isme government employer ke EPF contribution ka ek hissa 2 saal tak subsidize^(EPFO) karti hai.

Contribution Structure

• First year: Employer EPF contribution government cover karegi

• Second year: 50% government aur 50% employer

• Third year onwards: Employer khud contribution karega

Iska fayda ye hai ki koi bhi company chahe IT sector ho, retail ho, logistics ho ya koi aur agar companies naye employees hire karti hai toh pehle 2 salo me unhe cost me relief milti hai. Aur ye sirf naye employees keliye hai, existing workforce ke liye nahi.

Scheme C ke through government ka target hai ki October 2024 se September 2027 tak approximately 3.5 crore se zyada naye jobs formal sector mein create hoon.

PMVBRY Scheme ke Objectives

PM Viksit Bharat Rozgar Yojana launch karne ke peeche government ke kuch clear objectives hain.

Employment Opportunities Increase Karna

India me har saal millions of youth job market me enter karte hai. Pradhan Mantri Viksit Bharat Rojgar Yojana ka goal hai formal sector me large scale jobs create karna taaki zyada log employment pa sake.

First-Time Employees ko Support Karna

Bahut saare freshers ko pehli job milna difficult hota hai kyunki companies experienced candidates ko prefer karti hai. Pradhan Mantri Viksit Bharat Rojgar Yojana companies ko financial incentive dekar fresh hiring ko encourage karti hai.

Informal Workforce ko Formal Sector me Lana

India me abhi bhi ek bada workforce informal sector me kaam karta hai jahan social security benefits nahi milte.

PMVBRY scheme EPFO registration ko promote karti hai taaki workers ko benefits mil sake jaise:

• Provident Fund
• Pension
• Insurance benefits

Employers ko Hiring ke liye Motivate Karna

Naye employees hire karna companies ke liye costly ho sakta hai. Government incentives ke through companies ke hiring cost ko reduce karna chahati hai jisase ki naye candidate ke hiring ko badhawa mile.

Economic Growth ko Boost Karna

Jab employment badhta hai to:

• Income badhti hai
• Consumption badhta hai
• Businesses grow karte hain

Isse overall economy ko boost milta hai.

Pradhan Mantri Viksit Bharat Rojagar Yojana Eligibility

PMVBRY Scheme ka benefit lene ke liye kuch basic conditions hain.

Employees ke liye: Employees ko

• Pehli baar EPFO member hona chahiye (pehle kabhi EPF account nahi hona chahiye)
• Monthly salary Rs. 1 lakh se kam honi chahiye
• EPFO-registered employer ke saath join karna hoga
• Kam se kam 6 months tak continuous job kare
• Scheme A ke liye specifically ye first job hona zaroori hai
• UAN (Universal Account Number) active ho

Agar aap PMVBRY eligibility criteria ko detail me samajhna chahte hain, to is par hamara detailed guide bhi padh sakte hain.

👉 Read Full Guide: PMVBRY Eligibility, Salary Limit, EPFO Rules and Employee and Employer Criteria

Employers ke liye: Employers ko

• EPFO ke saath registered hona mandatory hai
• Naye employees hire karne chahiye (existing workforce pe ye benefit nahi milta)
• Monthly Electronic Challan-cum-Return (ECR) file karna zaroori hai
• Scheme B ke liye manufacturing sector me hona zaroori hai
• Scheme C ke liye koi bhi sector chalega lekin EPFO registration must hai
• Labour laws ka compliance hona chahiye

Important Note: Ye scheme September 2024 se shuru hui hai aur 2 saal ki timeline ke liye design ki gayihai. Matlab iska main operational period 2024-2026 hai.

Pradhan Mantri Viksit Bharat Rojgar Yojana Registration

Is scheme me registration ke liye apko government dwara provide ki gayi information dekhe to hame pata chalta hai ki

Employees ke liye Process

Employees ko bas:

• EPF registered company me job join karni hai
• Apna UAN activate karna hai
• Kam se kam 6 months employment complete karna hai

Iske baad incentive automatically bank account me credit ho jata hai.

Employers ke liye Process

Employers ko following steps follow karne hote hain.

• EPFO portal par establishment register karna
• Company details submit karna
• Eligible employees hire karna
• Monthly ECR filing karna

Verification complete hone ke baad incentive employer ke account me transfer ho jata hai.

PMVBRY Scheme Ka Process Kaise Kam Karta Hai

Bahut se logo ko confusion rahta hai ki akhir Pradhan Mantri Viksit Bharat Rojgar Yojana me hum apply kaise kare? To apko bata de ki jyada tar case me apko alag se apply nahi karna padta.

Jo employers EPFO registered hain, unhe apne naye employees ka data submit karna hota hai. EPFO system verify karta hai ki employee pehli baar register ho raha hai ya nahi. Verification ke baad benefit automatically process ho jaata hai.

Process roughly kuch is tarah hota hai:

• Employer EPFO portal par naye employees register karta hai
• EPFO verify karta hai ki employee pehli baar member ban raha hai ya nahi
• Eligible cases mein incentive automatically calculate hota hai

Scheme A ke case me Direct Benefit Transfer (DBT) ke through employee ke Aadhaar-linked bank account me amount aa jaata hai. Isliye Aadhaar aur bank account ka link hona bahut zaroori hai.

Employees/Job Seekers Ke Liye

Agar aap ek fresher employee ho ya phir job search kar rahe ho aur phir iss scheme ka fayda lena chahte hain, toh kuch practical steps jarur follow kare:

• Apna Aadhaar update kare aur bank account se link kare. Ye mandatory hai benefit receive karne ke liye.
• Job dhundte waqt EPFO registered employers ko prefer kare.
• Agar aap ek employee ho aur EPFO registered company me job karte ho to apne EPFO ka UAN (Universal Account Number) employer se le.
• Formal sector me job ke liye NCS (National Career Service) portal dekh sakte hai. Ye government ka official job portal hai jahan registered employers listed ha.

Pradhan Mantri Viksit Bharat Rojgar Yojana Scheme Ka Budget Aur Target

Union Budget 2024-25 me government ne is scheme ke liye lagbhag ₹10,000 crore^{(Ministry of Labour)} ka provision rakha tha lagbhag 2 saal ke liye.

Government ka target hai:

• Around 3.5 Crore^{(PIB Press Release)} new formal jobs create karna
• Manufacturing sector mein large scale hiring encourage karna
• EPFO enrollment increase karna

Agar ye targets achieve hote hain toh formal workforce significantly increase ho sakti hai.

PMVBRY Scheme ka Time Period

Government ne PMVBRY scheme ko ek specific time period ke liye launch kiya hai. Is scheme ke under 1 August 2025 se 31 July 2027 ke beech jo naye jobs create honge, wahi eligible maane jayenge. Matlab agar koi company is period ke andar naye employees hire karti hai, to wo scheme ka benefit le sakti hai.

PMVBRY Scheme ka India par Impact

Agar yeh scheme effectively implement hoti hai to iska India ki economy par kaafi positive impact ho sakta hai.

Large Scale Job Creation

Government ka target hai ki 3.5 crore naye jobs create kiye jayein. Yeh India ke employment sector me ek major boost ho sakta hai.

Formal Employment Increase

EPFO registration ke through workers ko:

• Provident Fund
• Pension
• Social security

jaise benefits milte hain. Isse informal workforce gradually formal sector me shift ho sakta hai.

Youth Employment Improve Hoga

Is scheme ki wajah se fresh graduates aur young workers ke liye pehli job milna thoda aasaan ho sakta hai, kyunki companies ko naye employees hire karne par incentive milta hai.

EPFO Membership Increase

Scheme ke implementation ke baad EPFO membership me noticeable growth expected hai, kyunki zyada workers formal employment system me register honge.

Economic Growth

Agar employment increase hota hai to uska direct impact economy par bhi padta hai. Jaise:

• Household income badhti hai
• Logon ki spending power increase hoti hai
• Businesses ko expansion ka mauka milta hai

Yeh saare factors milkar overall economic growth ko support karte hain.

PMVBRY Scheme ki Real Challenges aur Limitations

Pradhan Mantri Viksit Bharat Rozgar Yojana ka objective employment increase karna hai, lekin ground level par kuch practical challenges bhi ho sakte hai.

Employers ki Limited Participation

Bahut saare small aur medium businesses (MSMEs) abhi bhi informal hiring model follow karte hain. EPFO compliance, documentation aur reporting requirements ki wajah se kuch companies scheme ka benefit lene ke bawajood formal hiring se bach sakti hai.

Temporary Hiring ka Risk

Kuch experts ka manana hai ki incentives ke chalte companies short-term hiring bhi kar sakti hai. Agar employer sirf subsidy period ke liye employees hire kare aur baad me workforce reduce kar de, to long-term employment generation ka objective weaken ho sakta hai.

Awareness ki Kami

India me bahut sare fresh graduates aur job seekers ko government employment schemes ke bare me pata hi nahi hota. Agar awareness low rahegi to scheme ka impact expected level tak nahi pahunch paayega.

Manufacturing Sector ki Capacity

Scheme B manufacturing sector ko target karti hai, lekin manufacturing sector me job creation largely demand aur investment par depend karta hai. Agar economic slow down aata hai to incentives ke bawajud hiring speed limited ho sakti hai.

Isliye PMVBRY scheme ki success sirf incentives par depend nahi karegi, balki employer participation, economic conditions aur policy implementation par bhi depend karegi.

Conclusion

Pradhan Mantri Viksit Bharat Rozgar Yojana (PMVBRY) ka main focus India me formal employment ko accelerate karna hai. First-time employees ko direct financial incentive dena aur employers ke EPF contribution ko subsidize karna ek strategic approach hai jisse hiring cost reduce ho sakti hai.

Agar large companies aur manufacturing sector actively participate karte hain, to ye scheme EPFO enrollment badhane aur youth employment improve karne me significant role play kar sakti hai. Lekin iska real impact largely implementation efficiency aur employer participation par depend karega.

Short term me PMVBRY fresh graduates aur first-time job seekers ko formal sector me entry ka opportunity de sakti hai. Long term me agar scheme ka adoption strong raha, to ye India ke formal workforce expansion me ek important policy tool ban sakti hai.